Mae ymgyrchu dros gydraddoldeb rhwng y rhywiau yn grymuso pobl ifanc i greu byd teg a chyfartal. Drwy herio stereoteipiau ac eirioli dros gydraddoldeb rhwng y rhywiau, gallan nhw gyfrannu at gymdeithas lle mae pawb yn cael cyfle cyfartal.
Pasiodd Senedd y DU y Ddeddf Cydraddoldeb yn 2010 sy’n gwneud rhyw yn nodwedd warchodedig, ond hefyd yn gwahardd aflonyddu rhywiol a gwahaniaethu yn y gweithle. Mae Senedd Cymru wedi ymrwymo i gydraddoldeb rhywedd, ac mae’n eiriol dros rannu pŵer, adnoddau a dylanwad yn gyfartal i bob menyw, dyn a pherson anneuaidd. Mae Llywodraeth Cymru wedi creu’r Cynllun Hyrwyddo Cydraddoldeb rhwng y Rhywiau yng Nghymru sy’n nodi ei blaenoriaethau ar gyfer y tymor byr a’r tymor canolig.
Gallwch chi ddod yn gynghreiriad ar gyfer hawliau cyfartal. Dysgwch am yr anghydraddoldebau rhywedd sy’n effeithio ar ein cymdeithas a meddyliwch ddwywaith cyn rhannu cynnwys ar-lein sy’n atgyfnerthu materion fel trais ar sail rhywedd.
Yr Aelod cyntaf o Senedd Ieuenctid Cymru dros Race Council Cymru. Mae Angel wedi gwneud cyfraniadau effeithiol yn galw ar i hanesion pobl ddu a phobl o liw fod yn rhan o gwricwlwm ysgolion Cymru.
Yr effaith fwyaf a gafodd Marcus oedd dylanwadu ar Lywodraeth y DU i ymestyn prydau ysgol am ddim i blant. Fe wnaeth hefyd godi proffil y mater yn y cyfryngau ac ymysg y cyhoedd gan arwain at sgwrs genedlaethol am dlodi bwyd.
Mae Poppy yn eiriolwr cryf dros gydraddoldeb, cyfiawnder cymdeithasol a hawliau dynol. Mae hi’n ymgyrchydd angerddol dros y newid yn yr hinsawdd ac mae hi’n ystyried ei hun yn rhyngwladolwr, gan gredu y dylai gwledydd weithio gyda’i gilydd.
Mae protestiadau heddychlon Greta wedi ysbrydoli mudiad ieuenctid byd-eang, wedi perswadio gwleidyddion i ymgysylltu â materion newid yn yr hinsawdd, ac wedi gwella ymwybyddiaeth y cyhoedd. Mae ei heffaith wedi cael ei galw’n ‘Effaith Greta.’
