Mae addysg yn un o gonglfeini profiadau plant a phobl ifanc. Dylai pobl ifanc deimlo eu bod yn cael yr holl wybodaeth sydd ei hangen i wneud penderfyniadau ar sail pa ddewisiadau addysg a chyllid sydd ar gael iddyn nhw. Gall pobl ifanc hefyd gyfrannu at lunio dyfodol addysg drwy rannu adborth am eu profiadau i lywio dyfodol addysg yn y DU.
Mae addysg yn fater datganoledig yng Nghymru. Awdurdodau lleol sy’n gyfrifol am addysg gynradd ac uwchradd. Mae'r Comisiwn Addysg Drydyddol ac Ymchwil, yn weithredol o fis Awst 2024, yn gyfrifol am yr holl addysg ac ymchwil ôl-16 yng Nghymru. Mae Llywodraeth Cymru yn dylanwadu ar addysg yng Nghymru drwy ei gwaith o gydlynu gydag awdurdodau lleol. Er enghraifft, un ffocws allweddol yw cynyddu nifer y grwpiau blwyddyn ysgol sy’n derbyn eu haddysg drwy gyfrwng y Gymraeg, gyda’r nod o gynyddu nifer y siaradwyr Cymraeg i 1 miliwn erbyn 2050.
Mae addysg yn ganolog i wella bywydau pobl ifanc, ac mae'n bwysig eich bod chi’n gwybod pa opsiynau addysg a gyrfa gwahanol sydd ar gael i chi yn y dyfodol. Gallwch chi ddweud eich dweud am yr addysg rydych chi’n ei chael drwy gymryd rhan mewn cyfleoedd llais y myfyriwr fel cynghorau ysgol, a rhoi adborth i addysgwyr. Gallwch chi awgrymu ffyrdd y gallai addysg weithio’n well i chi drwy gysylltu â chynghorau lleol a’r Senedd. Os oes gennych chi bryderon, syniadau neu gwestiynau sy’n effeithio ar eich ysgol neu goleg, mae ganddyn nhw gyfrifoldeb i wrando ar eich adborth. Dysgwch pwy sy’n gyfrifol am gymryd rhan yn eich ysgol neu goleg, a pha sianeli mae eich sefydliad addysgol yn eu defnyddio i gael adborth gan bobl ifanc. Os ydych chi eisiau gwneud awgrymiadau neu herio penderfyniadau sy’n cael eu gwneud gan y Senedd, gallwch chi gysylltu â’r Comisiynydd Plant i gael rhagor o wybodaeth am sut mae gwneud newid, neu gysylltu â’ch Aelod o’r Senedd.
Yr Aelod cyntaf o Senedd Ieuenctid Cymru dros Race Council Cymru. Mae Angel wedi gwneud cyfraniadau effeithiol yn galw ar i hanesion pobl ddu a phobl o liw fod yn rhan o gwricwlwm ysgolion Cymru.
Yr effaith fwyaf a gafodd Marcus oedd dylanwadu ar Lywodraeth y DU i ymestyn prydau ysgol am ddim i blant. Fe wnaeth hefyd godi proffil y mater yn y cyfryngau ac ymysg y cyhoedd gan arwain at sgwrs genedlaethol am dlodi bwyd.
Mae Poppy yn eiriolwr cryf dros gydraddoldeb, cyfiawnder cymdeithasol a hawliau dynol. Mae hi’n ymgyrchydd angerddol dros y newid yn yr hinsawdd ac mae hi’n ystyried ei hun yn rhyngwladolwr, gan gredu y dylai gwledydd weithio gyda’i gilydd.
Mae protestiadau heddychlon Greta wedi ysbrydoli mudiad ieuenctid byd-eang, wedi perswadio gwleidyddion i ymgysylltu â materion newid yn yr hinsawdd, ac wedi gwella ymwybyddiaeth y cyhoedd. Mae ei heffaith wedi cael ei galw’n ‘Effaith Greta.’
